EXCELENCIA, DISQUE. Así se despachou o alcalde no seu discurso na toma de posesión para referirse ao seu obxectivo. Mais que é a excelencia? O dicionario pode ilustrarnos e darnos algunha pista; un posíbel significado sería "grao eminente de perfección", pero escoitando o discurso non debe ser aplicábel, xa que tamén propuxo "unha segunda revolución, na que o desenvolvemento económico, coa creación de emprego en todos os sectores, será o alicerce que o sustente", polo que perfecto, o que se di perfecto... Non sería, entón, ao outro significado o que se refería o alcalde, o do "título honorífico e tratamento dado a persoas ilustres"?; en que estará maquinando?"